Saint Petersburg-ah tualchher bomb puak, mi 13 hliam

0
624
views

Russia rama Saint Petersburg khawpuiah pawh nimin khan dawr lian pakhatah tualchher bomb tihpuah a nih avangin mi 13 an hliam tih sorkar hotuten an sawi a, he bomb hi dawr pakhat chhungah tihpuah a ni a, thil awm dan chhui chian mek a ni. April thla pawh khan he khawpuiah hian lei hnuai relah bomb tihpuah a nih avangin mi 16 an lo thi tawh a, tun \uma thil thlengah hian damdawi inah mi 10 dah an ni a, an ngaihtuahawm lo niin sorkar hotuten an sawi. Bomb puah hun hi an sanaa nizan dar 6:30 vel kha a ni a, hetih lai hian dawr chhungah hian mi an tam vak lo a, mei khu a khat nghal niin Police-ten an sawi. Al-Qaeda nena inzawm pawl pakhatin bomb hi an tihpuahah an chhal a, mahse hei hi nemngheh a la ni lo nia hriat a ni.

Russia President, Vladimir Putin-a chuan St Petersburg supermarket-a thil thleng hi mi firfiakte thil tih niin a sawi a, sipaiten a \ul phawt chuan hetiang mi firfiakte hi an kap zel dawn tih sawiin, Russia ram chu mi firfiakte an duh thála an ch>tna ram leh, mi \hate ch>pna ram a ni tur a ni lo tih a sawi. Report pakhatah chuan he bomb hi he dawra kalten an thawmhnaw an hnutchhiahna hmuna puak a ni a, Putin-a chuan, mi firfiakte pawi khawih tumna pakhat chu tun hnaiah FSB security service miten an titlawlh niin a sawi bawk.