Zonet thudawn danin, rial tla khan chenna in tam zawk a dengchhia a, a den chhiat loh chu in 50 vel chauh a awm a ni. Rialin chenna in a den chhiatte hi luahzui tlak loh khawpin a chhe deuh vek a, zanin hian ruah a sur phei chuan an khawtlang hi an buai dawn hle a ni.
Hliappui-a rial tla hi a tam tham hle a, a lian zual phei chu Artui aia lian te a ni a, rangva leh di in chung te a deng chhe hneh hle a ni. Hliappui khawtlang hruaitute chuan chenna in chhia a tam avangin engtianga hmalak tur nge an hriat mai rih loh thu an sawi a. In chhe zat hi khawtlang hruaitute chuan zir chiangin a theih ang angin hnatlangin an thawm tha nghal a. Silpoulin an dawng nghal a nih loh chuan chhungkaw tam tak tan an chenna in-a riah ngaihna a awm dawn lo tih an sawi. Rial tla hian an ran vulh lai te pawh a deng hlum tih khawtlang hruaitute hian an sawi. He chhiatna thleng hi Bialtu MLA, Pu L. Thangmawia leh Ngopa Civil SDO, Pu Vanlal\anpuia te hriattir nghal an ni a, Ngopa Civil SDO hian thuneitu sang lamah a thlen chhawng ve leh a ni.
