Saitual pana tlan Truck lian chesual, mi 2 thi

0
643
views

Nizan khan Phullen a\anga Saitual pana tlan, Truck lian, ke 12 nei chi chu Chhirdem lui bulah a chesual a, truck khalhtu Lalrinchhana, kum 23, Siahaa Thansanga fapa leh handyman Lalchawimawia, kum 18 mi, Sairang Sihhmuia Babulala fapa chu an boral. He truck-ah hian driver leh handyman chauh hi an chuang a, handyman hi truck lum tawpna, Chhirdem luiah thia chhar a ni a, driver Lalrinchhana erawh hi chu kawngpuia a vah chhuah hnuah a hliam tuar lovin a thi a ni. Saitual YMA hruaitute hnen a\anga thu dawn danin he truck, MZ 01/L- 3457 hian nimin khan Phullenah lei laihna khawl lian, Hitachi Excavator a dah a, hemi hnu nizan khan Aizawl lam panin a lo let a, Phullen leh Saitual inkara Chhirdem lui kamah kawng thlanga tla-in, meter 40 vel a lum a ni. Ruang pahnih hi Phullen lamah lak a ni a, thil tihfel ngaite tihfel a nih hnuah Aizawl rawn panpui phawt a ni dawn a ni.