Samajwadi party hotu Akhilesh Yadav-a Allahabad University-a inkhawm pawimawh chhim tura thawk chhuak chu Lucknow Airport-ah dan a nih vangin Lucknow leh Allahabad-a Prayagrajah Samajwadi Party hnathawkte’n BJP lakah lungawilohna lantirin buaina an siam a, Uttar Pradesh CM Yogi Adityanath-a lakah an lungawi loh thu an auchhuahpui a ni. Uttar Pradesh Police te’n mi 296 lakah thubuai an ziaklut a, case-ah hian MP Dharmendra Yadav leh Nagendra Singh Patel te tiamin hruaitu dang 46 hming pawh a lang a ni.
Akhilesh-a sawidan chuan thuneitute hian thlawhna a chuan an phal loh chhan dan tlawh chhan an nei lo a, University-a zirlai te ngaihdan leh an aw hupbeh an tum vangin a tel ve an phal lo nia a rin thu a sawi, University erawh chuan he inkhawmnaah hian politician te tel a rem loh thu lehkhaa an ziah thu an sawi ve thung a ni.
