San Francisco thuneituten hriselna a nghawng theih dan finfiahna mumal tak a awm hma chu e-cigarettes hralh chhuah an khap dawn a, US khawpui zinga e-cigarette khap hmasa ber tur an ni.

Khawpui thuneitute chuan e-cigarette khapna tur dan hi pass-in hei hian online hmanga chah te pawh a huam tel a, California hi e-cigarette siam chhuaktu Juul Labs inkhuarna khawpui a ni nghe nghe. Jull chuan he khapna vang hian meizuk sim tawhte pawhin an zuk leh phah ngei dawn a ni an ti a, dan lova sumdawnna kawng thar hawngtu tur a ni dawn tih an sawi bawk. San Francisco Mayor London Breed chuan he dan hi hnuhlet a tum loh thu a sawi a, Dan thar hi thla 7 ral hnuah hman \an a ni ang. e-Cigarette dodaltute chuan kum naupang zawkten an zuk nasat avangin hriselna a nghawng dan zirchian a ngai a ni an ti a, hemi piah lamah e-cigarette chu meizuk bul \anna a ni thei an ti bawk.