Sateek Area MUP Conference vawi 34-na nimina Phulpui khuaa neih chu bialtu MLA, Prof. F. Lalnunmawia’n a hmanpui a, \hang tharte nunah zo nun ze mawi a par vul leh theih nan leh Nationalism lama an harh zel theih nan Sorkar-in hma a la dawn tih a sawi.

0
499
views

Prof. F. Lalnunmawia chuan, \hangthar nunah tlawmngaihna a par vul leh theih nan hmalak tum a nih thu leh chumi atan chuan naupang zirlaibuah aia upa zah tur leh tlawmngaihna vawng nung tura inzirtirna lam hawi telh tum a nih thu a sawi a. Hei hi MNF kaihhruai Sorkrat Policy, SED- ah pawh a tel nghe nghe tih a sawi. Upate chu mihring nunah tawnhriat ngah tawh, kum naupang zawkte tan pawha inzirna tur an ni tih sawiin, an tu leh fate nun dan tha zirtirna kawngah an hlutna a zual zel dawn a, Mizo nunze mawi chu an tu leh fate zirtir thar zel turin Prof. F. Lalnunmawia chuan a chah a ni.

Sateek Area MUP inkhawmpui hi an pawl President, Pu Vanchhunga’n a kaihruaia, an Area chhunga Branch hrang hrangte chu Lengkhawm zai hmangin an intihsiak a, tlaiah ruai an \heh bawk.