Saudi Arabia chanchinbumi pakhat chin hriat lova bo ta chanchin kimchang puang tura nawrna a na chho zel a, US Secretary of State Mike Pompeo a’n Saudi Arabia lal Salman chu Riyadh ah vawiin khan a kawm.

0
460
views

 

Chanchinbumi Khashoggi hi hapta hnih kalta khan Istanbul-a Saudi Consulate-ah a luh hnuin chin hriat lovin a bo zui a, Turkey sorkar hotute chuan Khashoggi hi Saudi agent ten an that niin an sawi a, Saudi sorkar chuan hei hi a pha thung.

US chanchinbute chuan Khashoggi hi Saudi sorkar sipaiten thu an zawhfiahna lamah thil a kalsual avangin a thih phah niin an tarlang thung.

US Secretary of State Mike Pompeo leh Saudi Arabia ram lal inbiakna chanchin kimchang hi puanzar a la ni lo a, Saudi lal hian he chanchinbumi thih dan chhui chiang tur hian thupek a ti chhuak tawh a, thah a ni tawh nia sawi chu thu belhchian dawl lo a ni a ti.