Sipai thupuangtu sawidanin mitthi te zingah hian naupang pahnih leh hmeichhe pathum an tel a, missile hian Abha thlawhna \umhmun a kap fuh a ni. Hel pawlte hian missile hmang hian an tum tak an kap fuh tih an puang a, Saudi Arabia hian Arab State ten Yemen sorkar tungding leh tura Hauthis an beihletnaah kum li chhung hma a hruai tawh a ni.
Kum 2015 a\anga buaina chhuak vangin Yemen hian a tuar nasa tawh hle a, hel pawl te hian he ram khaw thlang lam hmun zau tak awpin president Abdrabbuh Mandour Hadi chu ram dangah a tlan chhia a, hel pawl te li Iran in a pui nia hriat a nih bawk avangin Saudi Arabia leh ramdang pariat te chuan Hadi-a sorkar hi tundin leh tumin indo thlawhna te nen hel pawlte hi an beilet a ni.
UN chuan indona vang hian civil mi 7,000 an thih tawh bakah midang 11,000 in hliam an tuar tawh tih an sawi a, mitthi zinga zaa 65 vel chu Saudi kaihhruai \angrual pawlin thlawhna hmanga an beih vanga thi an ni.
