Saudi Arabia in an ram chhung inrelbawlna kawnga inrawlhah Canada puin insumdawntawnna tura ruahmanna thar siam zawng zawng kaltlang pui rih lo turin a ti.

0
537
views

Saudi foreign ministry thupuangtu chuan Canada palai pawh an ram a\anga an hnawh chhuah thu leh Canada rama an palai pawh an koh haw thu a sawi. Canada chuan mihring dikna chanvo humhalhtu, human rights activist tam tak Soudi Arabia-a man an ni chu a ngaihmawh thu a sawi a, hei hi Saudi Arabia hian a ngaithiam lo a ni. Saudi Arabia a man te zingah hian Saudi American hmeichhe pakhat Samar Badawi pawh a tel a, Badawi hian Saudi rama mipate chauhin rokhawm theihna dan an hman chu a do let a ni.

Saudi Arabia chuan Canada thil tih dan chu an ram inrelbawlna langsar taka beihna a ni a ti a, ram pahnih insumdawntawnna huang zauhna tur reng reng tih tawp rih a nih thu te, Canada ram palai pawh darkar 24 chhunga Saudi Arabia chhuahsan tura tih a nih thu leh Canada-a an ram palai pawh koh kir a nih thu te, a \ul ang zela hmalak zui anih tur thu te a puang a ni.