Saudi Arabia-in Pakistan hnenah dollar tld 20 pek a tiam.

0
377
views

He intiamna hi Pakistan tlawh mek, Saudi Arabia lalfapa Mohammed bin Salman-a chuan a puang a, ram pahnihte’n energy, petrochemical leh mining sector-a thawh dunna tur inremna an ziak a ni. Pakistan hian sum indaih loh vangin hun khirh tak a tawk mek a, International Monetary Fund a\anga sum hmuh dan tur a zawng mek a, Saudi Arabia hian a hma pawhin dollar tld 6 a lo puktir tawh a ni. Pakistan chuan he investment deal siam fel a nih tukah Saudi Arabia lalfapa hi, an ram civil mi te chawimawina sang ber Order of Pakistan pek a tiam bawk a ni.

Journalist Jamal Khashoggi thahna thubuaia sawisel leh rinhlelh kai Saudi Arabia lal fapa Mohammed bin Salman-a hian ram pawn mite laka tlaktlum tumin Asia ram te a tlawh kual mek a, Pakistan hi tlawh hmasa berin, naktuk hian India a tlawh dawn a, Ningani khian China a tlawh dawn bawk.