Saudi Arabia journalist, Jamal Khashoggi-a thahna thubuai kal zelah US Senator-te chuan CIA khaikhawmna hrang hrang an ngaihthlak hnuah, Saudi Arabia lal, Crown Prince Mohammed bin Salman a inrawlh ngei an ring nghet tawh hle niin an sawi.

0
614
views

 

South Carolina Senator, Lindsey Graham chuan Salman chu mi hlauhawm leh mak tak a nih thu leh thil tih chhiatna hmanrua niin a sawi a, Tennessee Senator Bob Corker pawhin Salman chu Court hmaa ding chu ni se minute 30 chhung lekin thiam loh chantir a nih ngei a rin thu a sawi bawk a, an ram President Donald Trump-a’n Salman-a demna a chhuah duh lo chu tualthahna a ngaidamah a ngaih thu a sawi bawk a ni. Puan tawh angin Khashoggi thahna thubuaiah hian Saudi Arabia chuan mi 11 lakah thubuai a siam tawh a, Salman erawh hi chu inrawlhna a nei lo niin an sawi a ni. Hemi chungchangah hian CIA lam pawhin Salman chu Khashoggi-a that tura thupe tu ber a nih an rinhlelh thu an lo sawi tawh a, hei hi Trump chuan thutawp a nih loh thute pawh a lo sawi tawh bawk a ni.