Saudi Arabia lal fapa Mohammed bin Salman-a’n khawvelin Iran hmalakna a dodal lo anih chuan oil man chu nasa takin a sang thei dawn niin a sawi.

0
376
views

Mohammed bin Salman chuan Iran chu khuahkhirh a nih loh chuan a pawng zel dawn a, indona hial a thleng thei dawn a, khawvel pum sum leh pai dinhmun nasa takin a nghawng ngei dawn a ni a ti a, Saudi oil sawngbawlna hmun beituah Iran chu mawhphurtu a nih ngei a rin thu a sawi.

Khawvel pum chakna thahrui za zela 30 vel chu Middle East a\anga chhuak a ni a, khawvel puma indawrtawnna atana inkalpawhna kawng za zela 20 chu Middle East a nih thu leh GDP zaa 4 chu Middle East a\ang bawka chhuak a ni tih a sawi bawk.

Chanchinbu mi Jamal Khashoggi-a thah chungchanga mawhphurtua an puhna chu chhangletin Mohammed bin Salman chuan Saudi Arabia hruaitu a nih angin mawhphurhna chin a nei ngei a, amaherawhchu, that turin thupek a chhuah lo tih a sawi bawk. Khashoggi hi Turkey-ah kum 2018 October ni 2 khan thah a ni.

Saudi Oil hmunpui beihnaah khawvel ram hrang hrang hruaituten Iran chu mawhphurhtuah an puh a, Iran erawh chuan mawhphurhna a nei lo niin a sawi thung. Saudi Oil sawngbawlna beitute hi Yemen-a Houti helpawlte an ni a, Houti helpawl hi Iran-in a pui \hin a ni.