Saudi Arabia mi, journalist Jamal Khashoggi-a bo vanga sumdawng \henkhat, Saudi Arabia nena indawrna titawptu zingah France a tel ve leh.

0
713
views

 

France Economy Minister Bruno Le Marie chuan Saudi Arabia-a insumdawn tawnna chungchanga inhmuhkhawmna, kar leh lama lo awm tur chu chhim ve a tum loh thu vawiin khan a sawi a, an ram President Emmanuel Macron-a’n a lo sawi tawh, Khashoggi-a chin hriat a ni lo chu an ngaih thutak thu leh tun dinhmunah chuan thudik tak hriat phawt an duh thu a sawi bawk a ni.

Puan tawh angin Khashoggi hi an rama kir duh tawh loin, US-ah a khawsa a, tun thla ni 2 khan Turkey khawpui, Istanbul-a Saudi Arabia sorkar hmun, Consulate-ah nupui a neih theihna tur lehkha pawimawh buaipuiin a kal a, heta \ang hian a chin hriat zui tur a awm ta lo a, a nupui hual chuan Consulate tuala a nghah thu leh a lo chhuah tak loh thu a sawi a ni. Turkey thuneitute chuan Khashoggi hi Saudi Arabia mi te’n an that niin an sawi a, a lu, ban leh ke te tanin an ram lamah a ruang an hawn niin an sawi bawk a, an la chhui mek a ni.