Tuialhthei sawngbawlna hmun beih avang hian nitin tuialhthei supply barrel maktaduai 5.7 in a tlem a, hei hi khawvel puma tuialhthei supply za zela 5 a tling a ni. Yemen-a Houthi hel pawlten Saudi tuialhthei hmunpui chu an beihah chhal mahse US Secretary of State Mike Pompeo chuan Iran chu mawhphurtu a ni a ti.
United Nations General Assembly-ah Saudi Foreign Minister Ibrahim al-Assaf chuan a tawp thlenga Iran nawr nan hmanraw hmuh theih zawng zawng hman a nih tur thu a sawi a, Ibrahim chuan an sum lakluhna hnar tihtawp chu Iran nawrbehna \ha ber a ni tih a sawi bawk.
Hetihlai hian Saudi Arabia tung dinga venghim turin Pentagon chuan radar khawl 4, missiles leh sipai 200 vel Saudi-ah thawn a tum tih a tarlang a ni.
