Saudi Journalist, Jamal Khashoggi a fapa upa ber chuan Saudi Arabia a\angin US a thleng.

0
435
views

 

Salah Khashoggi hi a pa in Saudi Arabia ram inrelbawl dan a sawisel \hin avangin an ram chhuahsan phalsak a ni lo a, Thawhlehni khan Saudi lal Mohammed bin Salman a’n a pa thih thuah a tawrhpui thu a hlan lai tih lan a ni a, hemi hnu hian US hi a chhungte nen an pan ta a ni.

Jamal Khasoggi hi Istanbul-a Saudi Consulate ah hapta thum liamta khan thah a ni a, Saudi Arabia-a prosecutor te chuan Jamal Khasoggi hi tum lawk ren rawna thah a ni tih an sawi a, a thattu Saudi Arabia ram Agent pakhat, hotute laka hel nia sawi chu Saudi sorkar hotute pawhin an dem thu an sawi. A tirah chuan Saudi Arabia sorkar hian Kamal Khashoggi hian him takin Istanbul-a an ram consulate hi a chhuahsan niin an sawi phawt a, he thil chhuitu Turkey Police te erawh chuan thah a ni tih sawi nghalin, Saudi lal pawhin a hriatpui ngei an rin thu an sawi thung a, hei hi Saudi Arabia chuan a pha thung.

Jamal Khashoggi hi Saudi Arabia mi ni mahse, US-a cheng, Washington Post-a thu ziak \hin a ni a, Saudi Arabia ram inrelbawl dan sawiseltu langsar tak a ni.