Saudi journalist thah tak, Jamal Khashoggi-a nupui hual, Hatice Cengiz-i’n US leh ram dang hruaitute’n Khashoggi-a thihna chungchanga Saudi Arabia sorkar thusawi an dawnsawn danah a lungawi loh thu a sawi.

0
430
views

 

Cengiz chuan Khashoggi-a thah a nih dan thup tum a ni chu US President Donald Trump-a’n remti lo se a duh thu leh thudik hai lang tur leh rorelna dik lek a nih theihna atan tih theih tam tak a nei tih a sawi a, Khashoggi-a ruang awmna Saudi Arabia sorkarin a hre lo anga a insawi chu a awih loh thu leh thah a nih dan chu thup tumah a puh bawk a ni. Puan tawh angin Khashoggi hi an ram lal ber, Crown Prince Mohammad bin Salman nen an inkar a chhiat avangin an ram a chhuahsan a, US-ah khawsain Washington Post tan thu a ziak \hin a, Saudi Arabia sorkar sawiseltu langsar ber te zing ami a ni a, Cengiz nen an inneih theihna tur lehkha pawimawh chingfel turin Turkey khawpui Istanbul-a Saudi Consulate chu tun thla ni 2 khan a tlawh a, a chin hriat tur a awm zui ta lo a ni.