Saudi lal fapa anga inchhal-a lemchang, Florida mi Anthony Gignac chu thiamloh chantirin kum 18 lung ina tang tura a chungthu rel a ni.

0
201
views

Colombia mi, kum 48 mi Anthony Gignac hi kum 7 a nih khan Michigan-a chhungkua pakhatin an la lut a, kum 17 a nih a\angin Saudi lal fapa Khalid Bin Al-Saud angin lem a chang chho a, mi bum hmanga puhin vawi tam tak man ni tawh mahse lem hi a chan chhunzawm zel a, an pawisa pek chu dahkhamin a peipung ang tia tiamin mi engemawzat a lo bum tawh a, an pawisa pek chu a tla ran zawnga khawsak nan a hmang a, mi a bum a\ang hian dollar mts 8 a hmu tawh a, lal fapa a nih angin thilpek a phut \hin bawk a, lehkha pawimawh siamchawp hmangin lal chhungkua mi anga enkawl a phut \hin bawk a ni.

Muslim mi te tan vawksa ei hi a thian loh laiin Gignac-a’n vawksa a ei lai real estate agent-in a hmu a, thuneitute a hriattir a, kum 2017 November thla khan man a ni a, a lakah mi bum leh midang anga inlan thubuai 18 ziahluh a ni a, Ningani khan roreltu Cecilia Altonaga-in thiam loh chantirin kum 18 chhung lung ina tang turin a chungthu a rel a ni.