Scheduled Castes and the Scheduled Tribes (Prevention of Atrocities), SC/ST Act siam danglam duh loh lantirna, Bharat Bandh chu state hrang hrangah vawiin khan huaihawt leh a ni.

0
395
views

 

Bharat Bandh hi Madhya Pradesh, Bihar, Rajasthan, Uttar Pradesh leh Maharashtra state-ah te huaihawt a ni a, kumin March ni 20 khan Supreme Court-in SC/ST Act a siam danglam duh loh lantirna a ni a, dan hi siam danglam a nih hnu chuan sorkar hnathawk thil tisuala puh te chu anmahni ruaitu sorkar hotute remtihna lo chuan man theih an nih loh bakah, midang thil tisuala puh te pawh an laka thubuai thehluh a awmin chhui chian hmasak loh chuan man theih an ni tawh lo a ni.

Madhya Pradesh-ah chuan Bandh vang hian hmun tam zawkah dawr leh sumdawnna hmun dangte khar a ni a, buaina a chhuah mai a hlauhawm avangin Bhopal leh khawpui dangah sipai tirh luh an ni a, Bihar-ah chuan bandh huaihawt-tute hian rel tlan tur an dan bakah National Highway and dangchat bawk a, sumdawnna hmun tam zawk khar a ni bawk a ni. Uttar Pradesh leh Maharashtra-ah chuan Bandh hian khawksakphung a tibuai em em lo a, sumdawnna hmun te khar a nih bakah mi eng emaw zatin kawng an zawh a ni.