Zirna tihhmasawnna kawnga thawk dun turin School Education Department leh Doordardhan Kendra, Aizawl-in vawiin khan Macdonal Hill-a School Education Conference Hall-ah thawh dunna thu an thlung a. School Education Minister, Pu H. Rohluna chuan, he inremna hian zirna kawngah rah \ha a chhuah ngei a beisei thu a sawi. He inremnaah hian School Education aiawhin Secretary, Pi Esther Lal Ruatkimi leh DDK aiawhin Head of Programme, Pu Womchan Ramsan-a’n hming an ziak a. School Education Department-in zirna tihhmasawnna tur Programme a duan leh zirna kawnga sorkar hnathawh hrang hrangte chu Educational TV Programme-ah DDK Aizawl hian kar tin Ningani zan dar 6 a\anga 6:30 inkarah a tichhuak \hin dawn a, he inremna hian nakktum October thla thleng a awh dawn a ni. School Education Department leh Science Teacher Association of Mizoram (STAM) \angkawpin pawl 10 zirlaite tana Science leh Mathematics zirna video an siam chu hmun kilkhawr zawk a chengte leh zirtirtu nei \ha loten an \angkaipui theih nan kumin hian tihchhuah hman tum a ni bawk.
