School Education Minister, Pu Lalchhandama Ralte-in HSLC result chhuak ta-a zirlai pass awm lohna sorkar school te insawifiah tura hriattir an ni tih a sawi.

0
133
views

School Education Minister hian zirlai pass chhuak nei lo heng sorkar school te insawifiah tura hriattir an nih rual hian, school ti chhe rei tawh te chu school kharsak an nih lohna chhan tur sawifiah tura hriattir nghal an ni tih a sawi a, zirna siam\ha turin sorkar a khauh hle dawn a ni a ti. Vawiina Durtlang Higher Secondary School-a Durtlang Teachers Association General Meeting a hmanpuinaah School Education Minister hian Mizoramin zirna a kalpui dan chu a del dul rei tawh hle a ni a ti a, a theih chin chinah dan leh hrai pawh khauh zawka kenkawh a ngai dawn niin a sawi.

Minister hian sorkar school-ah a thlawnin admission a tih theih a, Uniform leh text book te, mid-day meal te a thlawn veka pek a nih bakah school building \ha zawk, zirtirtu pawh qualified \ha tak tak an awm a, chuti chunga naupangin private school an pan zawk chhan-ah zirtirtute chu an tel a ring tih a sawi a, zirtirtute chu inenfiah tura chahin kum 2020-ah chuan school naupang tam zawk an neih theihna tura an rilru te seng turin a sawm a ni. Minister hian hmun tam takah zak miah lova zirtirtu aikal la an tam tih a sawi bawk a, endikna, Supervision felfai zawk nen sorkarin zirna a kalpui dawn a ni a ti bawk.