Seat 40 awmna Mizoram Assembly inthlanna November ni 28-a neih tur atan Indian National Congress chuan vawiin khan bial 36-a an candidate turte an puang.

0
389
views

 

MPCC President, Pu Lal Thanhawla, an Party Nomination Committee Chairman ni bawkin candidate tur te hi Lal Thanhawla Auditorium-ah a puang a, bial pali, West Tuipui, Tuichawng, Siaha leh Palaka candidate tur hming erawh chu puan a la ni rih lo.

Chief Minister, Pu Lal Thanhawla chuan a bial ngai Serchhip bakah Champhai South-ah a ding kawp dawn a, candidate dangte chu Hachhek bialah mi thar, Pu Lalrindika Ralte, Dampa bialah Pu VL Robiaka, Mamit bialah Pu John Rotluangliana, Tuirial bialah mi thar Pu Joseph L. Ralte, Kolasib bialah Dr. Ngurdingliana, Serlui bialah mi thar Anggu Lalhmachhuana, Tuivawl bialah Pu RL Pianmawia, Chalfilh bialah mi thar Pu LT Hrangchal, |awi bialah mi thar Pu Rosiamngheta, Aizawl North I bialah mi thar Pu C. Lalhlimpuia, Aizawl North II bialah Pu H. Liansailova, North III bialah Pu Lal Thanzara, Aizawl East I bialah mi thar Pu K. Vanlalrawna, Aizawl East II bialah Pu Lalsawta, Aizawl West I bialah mi thar Pu PC Laltlansanga, Aizawl West II bialah Dr. Lalmalsawma Nghaka, Aizawl West III bialah mi thar Dr. Chawngthantluanga, Aizawl South I bialah Pu R. Vanlalvena, South II bialah Lt. Col. ZS Zuala, South III bialah Pu KS Thanga, Lengteng bialah Pu H. Rohluna, Tuichang bialah mi thar Pu James Thanghmingmawia, Champhai North-ah Pu TT Zothansanga, East Tuipui bialah Pu T. Sangkunga, Tuikum bialah mi thar Pu Sangzela Tlau, Hrangturzo bialah Pi Vanlalawmpuii Chawngthu, South Tuipui bialah Pu John Siamkunga, Lunglei North bialah Pu PC Lalthanliana, Lunglei East bialah Pu Joseph Lalhimpuia, Lunglei West bialah Pu Chalrosanga Ralte, Lunglei South bialah mi thar Pu Lalnunthara, Thorang bialah Pu Zodintluanga, Lawngtlai West bialah Pu C. Ngunlianchunga leh Lawngtlai East bialah Pu H. Zothangliana te an ni.

Nomination Committee Chairman, Pu Lal Thanhawla’n bial hrang hranga candidate tur mi 36 te hming a puan hnu hian Pi Lal Riliani’n candidate atana ruat an nihna lehkha, an intiamkamna tur form ni nghal a hlan a ni. Hemi hmalam hian Nomination Committee Secretary, Pu KS Thanga chuan Nomination Committee-in an party candidate tur a thlan dan a sawi a ni. Hemi hmalam hian Congress candidate te hming hi All India Congress Committee-in a lo pawmpui tawh a ni.