A dawttu ZPM-in seat 8 a la a, rorel lai pawl Congress chuan seat 5 chauh an la phak a, BJP-in seat khat a la bawk. MNF Party candidate thlantlin tak te hi Aizawl East I-ah an Party President, Pu Zoramthanga, Tuichang bialah an party Senior Vice President, Pu Tawnluia, South Tuipuiah an party Vice President, Dr. R. Lalthangliana, |awi bialah Home Minister hlui Pu R. Lalzirliana, Chalfilh bialah Pu Lalrinliana Sailo, Dampa bialah Pu Lalrintluanga Sailo, Mamit bialah Pu H. Lalzirliana, Kolasib bialah Pu K. Lalrinliana, Serlui bialah Pu Lalrinsanga Ralte, Tuivawl bialah Pu Lalchhandama Ralte, Aizawl North III-ah Pu C. Lalmuanpuia, Aizawl East II-ah Pu Robert Romawia Royte, Aizawl West II-ah Pu Lalruatkima, Aizawl South III-ah Prof. F. Lalnunmawia, Lengteng bialah Pu L. Thangmawia, Champhai North-ah Dr. ZR Thiamsanga, Champhai South-ah Pu TJ Lalnuntluanga, East Tuipui bialah Ramthanmawia, Tuikum bialah Pu Lalrinawma, Hrangturzo bialah Speaker hlui Pu Lalchamliana, Lunglei North-ah Dr. Vanlal\anpuia, Lunglei East-ah Pu Lawmawma Tochhawng, Lunglei West-ah Pu C. Lalrinsanga, Lunglei South-ah Dr. K. Pachhunga, Lawngtlai East-ah H. Lalbiakzauva, leh Siaha bialah Dr. K. Beichhua te an ni.
MNF hian MLA dinglai panga an neih zingah Pu Valalzawma, an party treasurer leh Pu K Sang\huama te chu an tling zo lo a, hetihlai hian term dinglaia MLA 5 chauh nei chu 26 ah inhlangkai chhovin sang takin hnehna an chang a ni.
ZPM hruaitu, Pu Lalduhoma chu Aizawl West I bial leh Serchhip bialah thlantlin kawp a ni a, ZPM candidate dang tlingte chu Tuirial bialah Pu Andrew H. Thangliana, Aizawl North I bialah Pu Vanlalhlana, Aizawl North II bialah Dr. Vanlalthlana, Aizawl West III bialah Pu VL Zaithanzama, Aizawl South I-ah Pu C. Lalsawivunga leh Aizawl South II-ah Pu Lalchhuanthanga te an ni.
Congress candidate thlantlin tak te chu Thorang bialah Pu Zodintluanga, Hachhek bialah Pu Lalrindika Ralte, West Tuipui bialah Pu Nihar Kanti Chakma, Lawngtlai West bialah Pu C. Ngunlianchunga leh Palak bialah Pu KT Rokhaw te an ni a, congress sorkara minister nilai zinga tling nawn leh awm chhun chu Pu Zodintluanga leh Pu C Ngunlianchunga te an ni a, Congress hian bial 34 a\angin bial 29 zet an hloh a ni.
Tuichawng biala BJP candidate Dr. Buddha Dhan Chakma pawh thlantlin a ni a, a ni hi BJP candidate 39 zinga tling awm chhun a ni.
Tling lo langsar zualte chu Serchhip bial leh Champhai South biala Congress candidate Chief Minister, Pu Lal Thanhawla, Speaker hlui tun hnai lawka BJP zawma Palak biala BJP ticket-a ding, Pu Hiphei, Finance Minister, Pu Lalsawta, School Education Minister, Pu H. Rohluna, Health Minister, Pu Lal Thanzara, Food, Civil Suplies & Consumer Affairs Minister, Pu John Rotluangliana, Social Welfare Minister, Pu PC Lalthanliana, Agriculture Minister, Pu KS Thanga, leh Cooperation Minister, Pi Vanlalawmpuii Chawngthu te an ni a, BJP Mizoram Pradesh President, Prof. JV Hluna pawh a dinna |awi bialah a tling zo lo a ni.
