Seling-Champhai National Highway 6 blacktop hna leh a siamthat hna chhunzawm zel

0
777
views

Mizoram PWD hnuaia Highway enkawltute chuan Seling-Champhai National Highway 6 blacktop hna leh a siam\hat hna chu ngawrh takin an chhunzawm zel. PWD hotute hnen a\anga thudawn danin tunah hian Seling leh Keifang inkar kawng km 35-a thui blacktop hna chu zawhfel a ni tawh a, he hna hi Nidhi Creative Infrastructure Ltd.in an thawk a, he hna an thawh zawh hnu hian Kawlkulh leh Khawzawl inkar kawng km 30-a thui blacktop hna an thawk zui leh a, tunah hian km 13 vel an zo fel tawh a, a bak km 17 vel chu tun \hal chhung ngeia zo hman tur hian ngawrh takin an thawk chhunzawm a ni. Hetihlai hian he kawngah hian Keifang leh Kawlkulh inkar kawng km 45-a thui leh Khawzawl leh Champhai inkar km 40 vela thui blacktop hna thawhna tur sum erawh chu Ministry of Road Transport & Highway-in a la sunction fel lova, tunah hian PWD Officer te chuan New Delhi-ah chamchilhin an bawhzui mek a, thil tihfel tur te tihfel anih veleh tender chhuaha he kawng blacktop hna hi thawh tum a ni ang. Hetihlai hian Keifang leh Kawlkulh inkar kawng leh Khawzawl leh Champhai inkar kawngte hi kumin fur lo thleng tura lirthei tluang taka a tlan reng theih nan tunlai hian Mizoram sorkar sum hmangin Nidhi Creative Infrastructure Ltd. chu siam \hat tir mek a ni a, kawng chhuat chhe zual laiah lung phaha chil mam a ni a, he hna hi fur ruahtui tlak hmaa zawhfel hman tum a ni.