Seling leh Champhai inkar kawnga Seling leh Keifang inkar kawng, km 35 vela thui chu contractor, Nidhi Infrastructure Pvt. Ltd.-in ngawrh takin a siam \ha zel a, PWD hotute hnen a\anga thu dawn danin, Seling a\anga Keifang thleng hi tunah hian an siam zo \ep tawh a, hmabak, km 4 vel an la nei a ni. Vawiin a\ang khan Keifang khaw chhung a\anga \anin. Seling lama an black top tawh sa pawh turin blacktop hna pawh an thawk \an a, hemi hnu hian Keifang khaw chhunga an hmabak la awmte chu an chhunzawm zel dawn a ni. Nidhi Infrastructure Pvt. Ltd. hian Seling leh Keifang inkarah hian kawng an blacktop zo \ep tawh a, Seling quarry bulah blacktop loh tlem leh nikum fura lei che-in kawng blacktop tawh sa a tihchhiatna lai siam \hat leh, tur tlem an la nei a ni. Nidhi Infrastructure Pvt. Ltd. hian chak zawka Keifang khaw chhung kawng an siam theihna tur leh a kawng siam tawh, motor lian rit phurin a rah chhiat sak loh nan Saitual SDO Civil, Pu R. Vanlalsawma chuan Keifang khaw chhunga motor luh phal loh hun a siam a, hei hi tun thla ni 13, Inrinni a\anga hman \an a ni ang a, hemi chhung hian zing dar 8 leh tlai dar 6 inkarah Keifang khaw chhungah 407 chin chung lam, motor lian kal phal a ni dawn lo a ni. Police leh VC ten he thupek hi an keng kawh ang a, motor te leh lirthei ke hnih nei chinte chu Rulchawm kawngah kalin Agriculture Complex kal tlangin Mel Vengah an chhuak thei ang.
Nidhi Infrastructure Pvt. Ltd. hian Seling leh Keifang inkar kawng bakah Kawlkulh leh Khawzawl inkar kawng km 30-a thui pawh an blacktop \an tawh a, an rora herna khawl leh alkatra nena chawhpawlhna khawl te pawh an bun fel tawh a, naktuk a\angin kawng hi an blacktop \an dawn niin PWD Highway Division hotute chuan an sawi a, hemi bak, Khawzawl leh Champhai inkar te, Keifang leh Kawlkulh inkar te chu Departmental Work-a siam \hat tum a ni a, tunah hian DPR siama thuneitute dawr mek niin an sawi a, kawng hi blacktop theih a nih hma-in kawng chhe zual lai te chu a theih ang anga thawm \hat an tum niin PWD hotute chuan an sawi bawk.
(Dinga)
