Serchhip-ah Smart Water Solution Computerised Billing hmang tan

0
437
views

Computer hmanga tui sem leh tui bill siam mumal zawka kalpuina tur Smart Water Solution Computerised Billing tia vuah chu Serchhip-ah hman tan a ni. He ruahmanna thar hi Sr. EE Pu F. Lalsanglura’n vawiin khan a hawng a, hawnna inkhawma tel District Consumer Association President Pu H.Zonuntluanga chuan tui meter hman danah thil fel tawk lo awma a hriat thu sawi chhuakin meter that leh that loh chu Legal Metrology-ten endik thei tura thuneihna nei mahse, a endikna khawl an neih loh avang leh PHE Office-a tui herh hawna pangngai hmanga endik thin chu dik tawk lova an hriat thu a sawi a, meter endikna khawl Dept in nei thei se an duh tih a sawi. Smart Water Solution hi thla thar atanga hman tan tum a ni a. Serchhip khawpui chhunga Bill Counter hrang hrangah Computer set dah a, chungte pawh chu la thlunzawm vek tum a ni.