Serchhip District-a Leng khuain Horticulture Department kaihhruaina hnuaia organic tomato an thar chhuah hralh dan tur vawiin khan Commerce & Industries Director Pu J Hmingthanmawia hovin a pisaah sawiho a ni.

0
158
views

Meeting kaihruaitu Pu J. Hmingthanmawia chuan, Tomato chingtu ten an hah man phu an hmuh let theih nan an tomato thar chhuahte chu commission kal tlang lova bazara an hralh theih dan tur kawng awm thei te a sawifiah a, bawhzui nghal a nih tur thu a sawi. Leng khuaa chhungkaw 10 in Horticulture Department kaihhruaina hnuaiah tomato, Green house-ah an ching a, tunah hian a rah an seng mek a, an tomato thar chhuah hi chemical tel lo, organic a ni a, chhungkaw khatin quintal 30 chuang te an thar chhuak a ni. Tomato chi hi Bangalore-a Indian Institute of Horticulture Research atanga lak a ni.