Serchhip NGO Co-Ordination Committee hruaitut hian vawiin khan Health Minister, Dr. R. Lalthangliana chu Thenzawl a tlawh laiin an hmu a, hetah hian Damdawi ina Surgeon, Dr. Zochampuia chu a thlaktu tur Sorkar-in a pek awm hma chu sawn lo turin an ngen a, an thil phut chungchangah hian nawrh leh boruak \ha lo pumpelh zawnga hmalak an duhthu Health Minister chu an hrilh a. Minister chuan, Serchhip NGO Co-Ordination hruaitute ngenna chu karleh maia CM hova sorkar hnathawk transfer leh posting chungchang an ngaihtuah huna chhawp chhuah a nih tur thu a lo hrilh a ni.
Serchhip a\anga thudawn danin, Serchhip District Hospital-a Surgeon, Dr. Zochampuia chu tun hnai khan a aiawhtu awm lova sawn a ni a, thlaktu awm lova Surgeon sawn a nih thu hriat a nih rual rualin Serchhip District NGO Co-Ordination Committee hruaitute chuan transfer order sut a nih theih nana hman turin bialtu MLA, Pu Lalduhoma leh Adviser to CM, Pu C. Lalramzauva-te an ngen nghal a, bialtu MLA chuan NGO Co-Ordination Committee hruaitute thu hi Health Minister hnenah a thlen nghal a ni. Serchhip NGO Co-Ordination Committee chuan, Serchhip Damdawi in a\anga Surgeon, Dr. Zochampuia sawn a nih chungchanga an ngenna chu tihhlawhtlin ngei an beisei thu an sawi a, hmei kawnga sorkar hmalak dan chu enzui zela an tum thu an sawi a ni.
