Serchhipa ei rawngbawlna Gas phur luh hmasak ber Mizofed Pisa tualah hmuak, a lawmna inkhawm nei

0
689
views

Mimal lirthei hmanga Serchhipa ei rawngbawlna Gas phur luh hmasak ber chu tukin khan Serchhipa Mizofed Pisa tualah hmuah a ni a, a lawmna inkhawm tawi neih nghal a ni. Serchhip a\anga thu dawn danin, IOC a\anga Gas phurtu motor-in Gas an phurh \hat duh loh avangin Serchhip leh a chhehvel khuaten ei rawngbawlna Gas-ah harsatna an tawk \hin a, thla tina Serchhip khawpuiin Gas a mamawh zat chu Truck trip 13 vel a nih laiin kumin June thla a\ang khan thla khatah Trip 7 bak an hmu ngai lova, he harsatna ching fel tur hian Serchhipa Mizofed, Consumer Union leh pawl hrang hrang chuan mimal lirthei hmanga Gas hi phurh luh mai an rel a ni. Hemi bawhzuia mimal lirthei hmanga Gas phurh hmasa ber chuan tukin khan Mualkhang Bottling Plant a\angin Serchhip a thleng a, IOC a\anga Gas phurtu Contractor hmang lova mimal lirthei hman a nih avanga Gas trip khat zela pawisa chawi belh tur, Rs. 2,000 chu Serchhip Block Congress Committee-in a tum dawn a ni.