Serchhipah chuan Chapchar Kut hi Leisekawt Field-ah Kutnu, Bawrhsap Pi Sangchhin Chinzah hova hman a ni a, DRDA Project Director, Pu VL Remliana chu kut thlengtu a ni.

0
487
views

Kutnu Pi Sangchhin Chinzah chuan kut hawnna thusawiin mipuite chu kut thupui atana thlan, Zofate inpumkhatna tih chu ngai pawimawh a, a taka chantir turin a fuih a, kut thlengtu Pu VL Remliana pawhin kut hmangtute chu tun hmalama pi leh pute hunlaia kut an hman anga lungrual leh hlim tlang taka hmang turin a chah a ni.

Kut hman \an nan hian Serchhip Sub Hqrs. MUP ten Hlado chhamin tlang an tlir a, chumi hnuah YMA Branch 20 ten Cheraw a huhovin an kan a, Mizo lam chi hrang hrangte entir a nih bakah zaithiamte an zai a, Chanmary Branch YMA chuan a duh apiang tan Thingpuisen leh Kurtai an buatsaih bawk a ni. Chawhnu lamah Music Concert neih a ni a, zaithiamte an zai a ni.