Sesawng leh Khawruhlian inkara Tuirini lei dawh chim chungchangah MNF MLA Pu Lalruatkima’n PWD changtu Minister chu bang turin a phut

0
376
views

Sesawng leh Khawruhlian inkara Tuirini lei dawh chim chungchangah MNF MLA Pu Lalruatkima’n PWD changtu Minister chu bang turin a phut. MNF MLA Pu Lalruatkima leh MNF hruaitu thenkhain lei dawh chim ta hi vawiin khan an tlawh a. Pu Lalruatkima chuan PWD Minister Pu Lal Thanzara chu mawhphurhna laa Minister a nih na atanga bang turin an phut tih a sawi a, nunna chan ta Pu HC Lalfakzuala chhungte hnenah cheng nuai 10 zangnadawmna pe turin Sorkar an phut tih a sawi bawk. Pu Lalruatkima chuan, hliam tuar Laltleipuia chu a inenkawlna senso tum sak vek tura sorkar an phut thu a sawi bawk. Kum 2014 atangin Mizoramah tum 6 lei a chim tawh niin Pu Lalruatkima chuan a sawi a, lei chim hi mi 3 in an thih phah tawh nia sawiin hei hi Sorkar tan thil zahthlak a ni a ti a, lei chim thin chu pumpelh theih a nih laiin, sorkar inthlahdah vangin thleng thinah a puh a, Congress sorkar chu mawhpuh tur zawng lova Mizoram an enkawl zo tawh lo a ni tih in pawm ngam turin a duh tih a sawi. Pu Lalruatkima chuan, lei chim ta chu Tuivawl bial leh Chalfilh bial mipui chak lakna pawimawh tak a nih thu a sawi a, a helna kawng siam lailawk pawh ruahtui a tlak chuan zawh theih loh a nih dawn avangin Sorkar chu lei chim rang taka siam tha thuai turin a phut bawk.