Sesawng leh Khawruhlian inkara Tuirini lei dawh lai chim chungchangah PWD Minister Pu Lal Thanzara chu mawhphurhna laa Minister a nih na atanga bang turin BJP Mizoram Pradesh in an phut. Vawiin a thuchhuah an siamah BJP chuan, Congress Sorkar chu Sorkar laipui duhsakna dawng chunga kawngpui leh Lei siam tha thei loah puhin rampuma State sorkar nikhua lo berah an puh a, lei dawh vawi 6 lai ti chim thei nia sawiin nimin a thilthleng chungchangah Sorkarin pawi a ti a nih chuan, PWD Minister Pu Lal Thanzara chu mawhphurhna laa bang ngei turin an phut tih an sawi a, lei chima mawhphurtute pawh hrem ngei turin sorkar an phut thu an sawi. BJP chuan, Tuirini lei chim avanga nunna chan Pu H.C Lalfakzuala leh hliam tuar Laltleipuia vanduaina tawh dan chu thinrimthlak an tih thu sawiin an lainat thu leh an tawrhpui thu an sawi bawk.
