Session-ah nimina House-a Larsap thusawi sawihova pawmpui a ni

0
700
views

Vawiin Session-ah nimina House-a Larsap thusawi sawihova pawmpui a ni. Sawihonaah hian rorellai pawl a\angin Motion pu luttu, Pu H. Zothangliana, Pu K. Lalrinthanga, Pu Chalrosanga Ralte, Dr. Ngurdingliana, Pu RL Pianmawia, Pu T. Sangkunga, Lt. Col. ZS Zuala leh Pu TT Zothansanga te an tel a, opposition lam a\angin Pu K. Sang\huama, Dr. K. Beichhua, Pu Lalrinawma, Pu Lalthanliana, Pu Lalruatkima leh opposition group leader, Pu Vanlalzawma te an tel a ni.

Sawihonaah hian rorel lai pawl member te chuan Larsap thusawi chu hmasawnna hnathawh \hahnem tak leh hmalak mekna \hahnem tak tarlanna niin a sawi a, Congress member Pu RL Pianmawia chuan Larsap thusawia tarlan awm tak tarlan ni si lo, thil chhuanawm tak chu Mizoram sorkar leh HPC (D) hel pawl inkara inremna siam tura inbiakna hlawhtling taka neih niin a sawi a ni. Opposition member te erawh chuan sorkarin hmasawnna thlentu nia a sawi, NLUP leh a chhunzawmna NEDP te chu rah chhuah \ha tawk lo leh thil nih dan dik tak tarlanna ni lo niin an sawi a, sorkar chu dan leh thupek kenkawh kawngah \ha tawk lo ah leh MLPC Act hmanga zu zawrh chu Mizoram mipuiten nasa taka an chhiat phah niin an sawi a, kawng siam kawngah leh leilawn dawh kawngah te hlawh chhamah an puh bawk a ni. Opposition group leader, Pu Vanlalzawma chuan Bairabi Zophaia Zofate Chawlhbuk sak tum chungchanga thutlukna Congress Legislature Party-in a siam, sorkarin a bawhzui mai chu thil kalphung pangngai ni lova a hriat thu te, Aizawl District Magistrate leh Kolasib District Magistrate ten Home Minister hriatpui lova an District ve ve-a hman tura Cr.PC Section 144 tlawh chhanin mi panga aia tam awm khawm khapna thupek an chhuah chu thil pawi tak niin a sawi. Sawihona tlangkawma thusawitu House Leader, Pu Lal Thanhawla chuan Larsap thusawi a tarlan bakah tukina Economic Survey Report 2017-2018 Finance Minister, Pu Lalsawta’n a pharh taka tarlanah te Mizoram hmasawn dan tarlan a ni tih a sawi a, Niti Ayog chhut danin ram pum Gross Domestic Product \hanna za zela 7 vel a nih laiin Mizoram GDP \hanna chu za zela 9 chuang a ni tih te, India ram puma \hanna sang zual State 4, Tripura, Jharkhan, Gujarat leh Mizoram an ni tih te, Ministry of Finance thlir danin Mizoram \hanna chu za zela 10 chuang a tling thei dawna an ngaih thu te a sawi a, Tuirial Hydel Project kawlphetha megawatt 60 pe chhuak thei tur hnathawh tir a nih hnuah kawlphetha lamah Mizoram dinhmun a \hat chhoh tak thu te a sawi. Tlai dar 5:15 ah he resolution hi lungrual taka pawm a ni ta a ni. Naktuka Session chhunzawm leh a nih hun chuan zawhna leh chhan hun hmang lovin Finance Minister, Pu Lalsawta’n kum 2018-2019 atana Mizoram Budget a pharh ang a, hemi rual hian kumin sorkar kum, 2017-2018 chhunga sum indaih lohna phuhrukna tur ‘Supplementary Demand for Grants’ House-ah a pharh dawn a ni.