Mipat hmeichhiatna hman khaw lohna a\anga natna inkaichhawn theih, Sexually Transmitted Infection lama hnathawh dan thlirletna chu vawiin khan Mission Venga MSACS Conference Hall-ah neih a ni a. MSACS Project Director, Dr. Lalmalsawmi Sailo chuan, STI natna veite tan HIV hrik kai a awlsam lehzual avangin fimkhur a ngai hle tih a sawi a, tunhnaiah kum 15-25 inkarah STI natna nei hmuhchhuah an pung nasa tih a sawi. Vawiina STI Counselors Review Meeting-ah hian mipat hmeichhiatna a\anga natna inkaichhawn thin tlanglawn tak Syphilis natna leh nu naupaiin nautea HIV a kaichhawn tibo tura hmalaknaah Mizoram chu India rama a ti\ha zual 6-a a tel thu tarlan a ni. MSACS Deputy Director, Dr. Malsawmtluangi Ralte sawi danin, Mizoram-a STI Clinic 10-ah nikum April a\anga kumin February thlengin mi 9,456 hnenah STI Counselling pek tawh niin, mi 8,664 chu STI an neih leh neih loh ensak an ni a, STI Clinic pantu zinga 221 chu HIV hrik pai an ni.
