Shillong-a Hqrs. nei North Eastern Institute of Ayurveda and Homeopathy bul tumin vawiin National Ayurveda Day-a pualin Seminar Lal Thanhawla Auditorium-ah buatsaih a ni.

0
302
views

 

He Seminar-a khuallian Mizoram Larsap, Pu Kummanam Rajasekharan chuan thusawiin Mizoram chu thing leh hnim chi hrang hrang damdawi atana hman theih tam tak awmna ram a nih avangin National Ayush Mission Mizoram Branch chuan nasa takin \an a la thei dawn niin a sawi a ni. He Seminar-a thusawitu dang North Eastern Institute of Ayurveda and Homeopathy Director, Prof. PK Goswami chuan khawvel changkang zelah mithiamte chuan Ayurvedic damdawi an hmang nasa a, India \henawm ramte chuan Ayurvedic damdawi siam chhuah leh hman kawngah India nen nasa zawka thawhdun an tum niin an sawi a, Mizoramah pawh Ayush Deptt. tihchak nan Directorate hrana siam a ngai niin a sawi a ni. Shillong-a North Eastern Institute of Ayurveda and Homeopathy hi kum 2016 khan din a ni a, tunah hian ram pum huapa Homoeopathy leh Ayurveda zirna hmun pawimawh damdawi in lian tak a ni tawh a, seat awm zawng zawng zinga a chanve chu hmarchhak biala zirlaite tan dah a ni.