Shiv Sena hruaitu-in Maharastra-a BJP nena an thawh dunna a derthawng ti

0
545
views

Senior Shiv Sena hruaitu, Rajya Sabha member, Sanjay Raut-a chuan Maharashtra-a BJP nena an thawh dunna chu a derthawng hle niin a sawi a, an in\hen lek lek tawh niin a sawi. Shiv Sena \halai pawl hruaitu, Aaditya Thackeray-a pawhin BJP kaihhruai, Maharashtra sorkar chu kum khat chhunga chhuahsanah nimin khan a lo vau tawh a, Raut-a chuan, Aaditya hian a pa, an party hruaitu, Uddhav Thackeray-a rilrem loh zawng thu a sawi loh tur thu leh, a thusawi chu an party pumpui ngaihdan a nih thu a sawi a, pawl pahnih thawh dunna boruak chu a \ha tawk lo tih sawiin, sorkara tel ve siin, sorkar chu an ta a ni ve lo niin a sawi.
Ahmednagar-a an pawl pun khawmnaah Aaditya chuan, Shiv Sena hian mi dang tel lovin Maharashtra sorkar a siam thuai dawn niin a sawi a, an party mite chu inthlang tura inbuatsaih turin a chah bawk. Tun hi Shiv Sena-in Maharashtra-a Devendra Fadnavis-a kaihhruai chhuahsan chungchang an sawi vawi khatna a ni lova, a hma pawhin an sawi fo tawh a ni. Fadnavis-a pawh hian Shiv Sena chu sorkar lama tel reng chung si-a eptu pawl ang maia thusawi fo lo turin a lo hrilh tawh bawk.