Shiv Sena-in BJP nena an thawhdunna titawp, Thackeray leh Fadnavis inkawm

0
425
views

BJP nena an thawhhona an tihtawp hnuah, Shiv Sena hruaitu, Uddhav Thackeray chuan Maharashtra CM Devendra Fadnavis-a hmu turin a chenna in a pan. Thackeray leh Fadnavis te hi zanin-ah an inkawm nghal beisei a ni a, Ratnagiri-a tuialhthei thlitfimna hmun siam chungchang an sawi dun rin a ni. He tuialhthei thlitfimna din chungchang hi BJP leh Shiv Sena-te inkara inhnialna chawk chhuaktu lian ber pakhat a ni a, Shiv Sena chuan he ruahmanna hi dodalin, Ratnagiri mipuite a tawp thlenga thlawp a tum thu a lo sawi tawh thin a, an party hruaitute chuan BJP nena an inkara inhmuhthiamlohna chu siam that rual a nih tawh loh thu leh, an tel loa inthlan pawh hmachhawn zel an tum tawh thu an sawi a ni.