Siaha-ah District Development Co-Ordination & Monitoring Committee-in hna an thawh dan thlir let

0
473
views

Siaha District Development Co-Ordination & Monitoring Committee chuan vawiin khan Siaha DC Conference Hall-ah CSS sum hmanga Siaha District-a nikum October thla a\anga December thla tawp thlenga hmasawnna hnathawh dan an thlir let. He \hut khawmna hi DISHA Chairman, Pu CL Ruala, Lok Sabha member-in a kaihruai a, Siaha Bialtu MLA, Dr. K. Beichhua bakah Dist. Bawrhsap, Pi Harleen Kaur, DRDA Project Director, Pu VL Hruaizela Khiangte leh CSS sum hmanga hnathawktu Deptt. hrang hrang hotute an tel a ni. Nikum April thla a\anga December thla tawp thlenga ni za inhlawhna tia hriat, MGNREGS hnuaia mipuite inhlawhna ni 38 siam tawh a ni tih tarlan a ni a, tun thla a\anga March thla tawp thlenga ni 10 inhlawhna tur sum hmuh tawh a nih thu tarlan a ni bawk. He meeting-ah hian PMAY hnuaiah thingtlang khuaa mi retheite chenna in 188 sakna tur sum \henkhat pek chhuah a nih tawh thu te, TIPA RD Block hnuaia BADP a\anga hmasawnna hna thawhna tur sum Rs.2,43,00,000/- hmuh a nih thu te, Mizoram State Livelihood Mission hnuaia Self Help Group 6 te hman tur, Pickup 4 leh Sumo 2 pek a nih thu te, SSA hnuaiah Primary School 118 leh Upper Primary School 76-a naupangte tana chaw chhun tur buhfai an la dawn loh thu te leh harsatna dang thlengte tarlan a ni a, Power & Electricity Deptt.-in Deendayal Upadhyaya Gram Joyti Yojana hnuaiah thingtlang khuaa chenna in tihen nan Rs.17,51,46,000/- hmanga hnathawh mek a nih thu te, Pradhan Mantra Krishi Sinchayee Yojana hnuaia Agriculture Deptt. hnathawh dan te, PMGSY hnuaia PWD-in Siachangkawn-Vawmbuk kawng blacktop hna leh Kaochao-Saikao inkar kawng blacktop hnathawh dante, ICDS a\anga naupang leh nu nau pai chaw \ha pek dan te, sikserh leh TB avanga damlo enkawl dan chungchang te, nausen thi leh nu nau chunga thi an tlemna atana hnathawh dan te thlir let a ni bawk.