Anganwadi hrang hrangte hman tura bungraw sem chhuahte hi tuizem litre 2000 dawng, Dawhkan, Chair, lehkhabu dahna, tui tih thianghlimna leh zirtirtute thil ziahna white board te a ni a, a vaiin cheng Rs.47,00,000/- man a ni a. A leina tur sum hi BPCL ten vantlang rawngbawl hna an thawhna Corporate Social Responsibility Fund a\anga Bawrhsap leh a thawhpuiten an dil chhuah a ni.
Siaha Bawrhsap chuan an district a Anganwadi centre hrang hrangah furniture chu sawi loh, tui thianghlim in tur tak ngial pawh a awm lohna te a awm tih a hriatin an harsatna chu BPCL te hnenah a thlen tih a sawi a, company in an ngenna an tihlawhtling chu lawmawm a tih thu a sawi. Bawrhsap hian Anganwadi centre te chu naupang te bakah nu nau pawmte pawhin chaw \ha an dawnna hmun a nih avangin chutiang tak chuan kalpui a ni em tih vilpui tur leh hmang \angkai turin khawtlang hruaitute a chah a ni.
