Siaha Bialtu MLA, Dr. K. Beichhua-an Thosai khuaah free clinic buatsaih

0
602
views

Siaha Bialtu MLA, Dr. K. Beichhua chuan Thosai khaw mipuite ngenna angin vawiin khan Thosai khuaah a thlawna damlo enna, free clinic a buatsaih a, damlo 180 vel an inentir a, an mamawh, damdawite a thlawnin a pe nghal a ni. Dr. K. Beichhua hian MLA Local Area Development Fund hmangin free clinic hi a buatsaih a ni. Thosai khuaah hian Dr. K. Beichhua chuan JNV School sak lai leh Polytechnic building sak lai tun thlenga la zawh lohte a tlawh a, sak zawh thuaia hman theiha siam \ul a tih thu sawiin, he JNV School, kum 2011-a sak \an tawh, tun thlenga zawh loha la awm reng chu pawi a tih thu te, Polytechnic building sakna tura sorkar laipui sum ruahman 1st installment pek chhuah a nih hnua tun thlenga 2nd installment la pek chhuah loh chu pek chhuah thuai \ul a tih thu te a sawi bawk a ni.