Siaha District Jail tang lai mi 2, an damloh vanga Siahaa ECM Damdawi ina enkawl mek, Ramuka, Vanlalmalsawma tia hriat bawk leh C. Lallawmzuala te chu an tlanbova, Bualpui (NG) Sub-Hqrs hruaitute leh a chhehvel YLA branch hrang hrangte chuan an awmna report an dawn bawhzuiin Inrinni zan khan heng mite hi Cheural khuaa an chhungte ina an awm laiin an man leh a ni.

Man hnu hian anmahni zawngtu Police-te leh a mantu YMA hruaitute chu an inbiaa, an thutlukna angin heng mi 2-te hi SDPO Pu Victor-a leh Siaha Police OC Pu Thanseia-te kutah hlan let leh an ni. Ramuka leh C Lallawmzualate hi pawikhawih vanga thubuai tam tak nei an nia, man leh an nih rual hian an kut a\angin Burma pawisa \hahnem tak, India pawisa Rs 10,500/- leh Mobile phone 2, man a ni a, hengte hi Police-te kutah hlan a ni. YLA hruaitute zawhna chhangin Ramuka leh Lallawmzualate hian mi in an rawk bakah bike an ru \hin a, a rawng tidanglamin Myanmar lamah an hralh \hin niin an sawi a ni.