Siaha District MNF President, Pu N. Viakhu chuan Mara Autonomous District Council-a Congress sorkar Pu N Zakhai kaihhruai chu kawng tam taka thil tidik lovah a puh.

0
369
views

Siahaa an party office-a thuthar thehdarhtute vawiina a kawmnaah Pu N. Viakhu chuan MADC sorkar hian hnathawktute 6th Pay arrear pekna tur cheng vbc 12 chuang a dawn chu an arrear pek nana hmang lovin hnathawktu lak thar nan a hmang niin a sawi a, MADC hian sum hnar dang a neih loh avangin hemi hnu hian MADC sum neih zinga za zela 92.20 chu hnathawktute hlawha a kal zo ta a, hnathawktu an tam em avangin an \hutna tur a awm loh avangin Mahatma Gandhi lim hnuaiah an \hu hmur a, kumin January ni 22 khan 7th Pay Commission ruahmanna siam anga hnathawktute hlawh pek nan Mizoram sorkar chuan sum cheng vbc 12, nuai 56 chuang a pe leh a, a pekna lehkhaah chuan hei hi 7th Pay pekna tur a ni tih chiang taka ziah a ni chungin District Council-a hnathawktute kaisan tir nan hman a ni a, hemi rual hian mipui hriat loha a ruka hna lak engemawzat a awm leh a, sweeper 17 lak erawh chu mipui hriat theih a ni a, zirtirtu 70 lakna tur hriattirna pawh an chhuah bawk a, he thil hi enliam mai theih a nih loh avangin inrawlh turin Mizoram Larsap ngen a ni a, Larsap chuan an thil tih lai chawlh rih turin a rawn hriattir ta hial niin a sawi a ni.