Siaha District MPF in vawiin chawhnu khan Siaha Bawrhsap, Pu Zoengsanga, District Election Officer ni bawk chu a Pisaah an kawm.

0
320
views

 

An inkawmnaah hian Siaha District MPF Forum hruaitute chuan tun thla ni 28-a Mizoram Assembly inthlanna neih tur thianghlim, felfai, muanawm leh langtlang thei a siamna tura an hmalak tawhna leh an hmachhawpte District Election Officer chu an hrilh a, District Forum hruaitute chuan inthlanna thianghlim leh felfai neihna tura tih tur leh tih loh tur an ruahman te chu Biak In tinah an chhiarchhuah tir vek tawh niin an sawi.

He inkhawmah hian Siaha leh Palak biala pianphunga rualbanlo mi 25 an awm a, heng mite hian vote an thlak vek theih nan ruahmanna Election Branch chuan a siam vek tawh tih tarlan a ni. He meeting-ah hian inthlannaa ding tlang tur candidate te hriatfiah vek a nih hnuah party hrang hrang tan Joint Platform neih leh cable TV hmanga talkshow neihte tum a ni tih tarlan a ni a, vote thlak hma Pathianni hnuhnung ber tun thla ni 25 inkhawmah thusawituten inthlanna thianghlim neih a \ul thu Kohhran tinah sawi tel tir a nih theih nan ngenna an siam dawn bawk a ni.

District Election Officer, Pu Zoengsanga chuan Siaha District MPF nena thawhdunna \ha tak an neih avangin inthlanna dik, felfai, thianghlim leh muanawm neih a beisei thu a sawi a ni.