Sikh mite kut thlak a nih kaihhnawih thubuai ennawn turin SIT dinna thupek siam

0
356
views

Kum 1984-a Pi Indira Gandhi thah a nih hnua Sikh mite kut thlak a nih kaihhnawih thubuai 186 ennawn turin Supreme Court-in member pathum awmna, Special Investigation Team dinna thup>k a siam a, he SIT thar hi High Court Judge hluiin a kaihruai ang a, IPS officer pension tawh leh thawk lai pakhat ve ve an tel a ni. Committee pakhat, Judge hlui pahnih, KPS Radharishnan leh JM Panchal-a awmna-in a report a thehluh hnuah Supreme Court chuan he thup>k hi a siam a, he report-ah hian Sikh mite kut thlak a nih kaihhnawih thubuai 293 zinga 186 chu chhui zui mumal pawh awm lovin SIT hmasa-in a titawp mai nia tarlan a nih avangin, heng thubuai 186 ennawn tur hian Supreme Court chuan Special Investigation Team thar dinna thup>k hi a siam a, heng thubuai 186 hi ennawnin, tihthar leh theih a nih leh nih loh te, chargesheet thehluh a ni tawh em tih te an en zui dawn a ni. Kum 1984-a PM, Indira Gandhi kah hlum a nih a\anga ni thum chhung khan ram chhung hmun tam takah Sikh mi tam tak, kut thlak an ni a, mi 3,000 deuhthaw an thi a ni.