Mission Veng Local Council leh tlawmngai pawl hrang hrangten Sikulpuikawn leh a chhehvel chu khawlaia bawlhhlawh paih phal lohna hmunah a siam. Bawlhhlawh paih khapna hmun puanzarna inkhawm, vawiin chawhnua Sikulpuikawna neihah bialtu MLA, Lt. Col. ZS Zuala chuan Sikulpuikawn leh a chhehvel hi bawlhhlawh paih phal lohna hmun, ‘zero littering zone’-ah a puang a, Sikulpuikawn chu Aizawla hmun pawimawh, kawng peng\huam tamna ber lai ni mah se, mipuite an \anrual chuan fai leh thianghlim takin a vawn theih ngei dawn niin a sawi. He inkhawmah hian bialtu Councillor, Pu M. Zohmingthangi pawhin thu a sawi a ni. Zero Littering Zone puan inkhawmah hian an venga YMA, MHIP leh MUP hruaitute leh PC Girls’ School zirlaite an tel a, a hawnna inkhawm tawi neih zawhah PC Girls’ School zirlaite chu kawngpui dungah bawlhhlawh chharin an hnatlang nghal a.
Mission Veng Local Council chuan, vawiin a\angin Sikulpuikawn leh a chhehvel khawlaiah bawlhhlawh paih khap tlat a nih thu te, ni tin nilenga duty tur dah an nih tur thu leh khawlaia bawlhhlawh paih an awm chuan, chhar leh turin duty-te’n an ngen nghal zel tur thute an sawi a.
Mission Veng Local Council chuan, an veng chhunga kawngpui lian zual dangte pawh tun atanga kum khat chhungin Zero Littering Zone-a chantir vek hman an tum thu an sawi bawk.
