Kum 2018, February ni 14-a Parland-a Majority Stoneman Douglas High School-a silai hmanga pawikhawihnaah mi 17 an thih hnuah hetiang pawikhawihna a thlen tawh loh nan he bill hi chawpchhuah a ni a, Florida-a Senate-in kar hmasaa an pawm hnuah House of Representatives chuan vote lain, member 65-in an pawm a, member 47-in a kalh zawngin vote an thlak a ni. Republican Governor Ron DeSantis chuan he bill-ah hian hming a ziah hnan hnuah bill hi Dan puitlingah a chang dawn a, voluntary guardian program-a tel duh school te chu inziaklutin, an zirtirtute’n ralthuam an kawl theih nan darkar 144 chhung training an pal tlang dawn a ni.
President Donald Trump leh National Rifle Association chuan pawikhawihna veng turin zirtirtute’n silai an kawl a ngaih thu an sawi a, he rawtna duh lotute chuan silai hmanga pawikhawihna dang tura silai vek hman chu thil ni thei lo niin an sawi ve thung a ni.
