Singlung Hills Council Sorkar lailawk term rei zawng thla 6-a pawhsei a nih hnuah Council Member atana ruat thar mi 14 te chu vawiin khan rinawmna thutiam tira lakluh an ni.

0
369
views

Hemi puala inkhawm Aizawl DC Office-a neiah hian Aizawl DC mawhphurhna la mektu, Pu V.L. Hruaizela Khiangte-in Singlung Hills Council member tharte chu a lalut a ni. Vawiina Singlung Hills Council Member thar lakluhte chu – Chief Executive Member, Pu Lalthlamuana Hmar; Chairman, Pu Lalmalsawma Darngawn; Deputy Chairman, Pu Lalbiaknunga-te bakah Executive Member atan mi 4 – Pu Lalrosiem; Pu Ngurhrangkima; Pu R. Lalfakzuala; Nl. Melody Lalchhuangzeli leh Member dang 5 – Pu D. Hmangaiha; Pu H. Lalengzuava; Pu Lalruatliana; Pu Zahmingliana; Pu H.C. Lalmalsawma leh Nominated Member 2 – Pu Rodingliana leh Pu Kawlremthanga-te an ni. Thutiam an lak zawha thu a sawiah Singlung Hills Council, Chief Executive Member thar, Pu Lalthlamuana Hmar chuan, CEM a nih anga an mawhpurhna lian ber chu an Term chelh chhunga Singlung Hills Council inthlanna nei hman tura hmalak a nih thu leh inthlanna neih a nih vat theih nan theihtawp a chhuah tur thu a sawi a. Singlung Hills Council huam chhung chu bial hmasawn lo tak nih avangin Member te chu bial hmasawnna atana theihtawp chhuah puiah a sawm a ni. An mahni laluttu Addl. DC, Pu V.L. Hruaizela Khiangte pawhin, hmasawn turin inlungrualna leh \anrualna a pawimawh a, engkim inhre pawh tawna hmalak \ul tih a sawi a. SHC, Development Officer Pu Lalchungnunga pawhin, Member te chuan thawh hona \ha tak an neih a beisei tih a sawi.

Puan tawh angin hun engemawchen inremna zawng an inbiak hnuah HPC-D helpawl leh Mizoram sorkar chuan nikum April ni 2 khan inremna thuthlung an ziak a. He inremna ang hian HPC-D mite chuan April ni 13 khan Sesawnga Central Training Institute-ah an rálthuamte an tung a, an silaite chu khatih laia Home Minister, Pu R. Lalzirliana hnenah an hlan a ni.
Inremna thuthlungin a kentel Hmar mipuite tana Sinlung Hills Council (SHC) din tura tih pawh nikum vek July thla khan din ngal niin, Sinlung Hills Council sorkar lailawk a, Chief Executive Member atan Mizoram sorkar leh HPC-D inbiaknaa HPC-D thupuangtu, Pu Lal\halien ruat a ni tih nikum July ni 9 khan Mizoram sorkar-in hriattirna a tichhuak a, Interim sorkar hi thla 6 chhung atana tih a ni a. Hetih chhung hian SHC huam chin tur leh bial hrang hrangte siamrem tura tih a ni a, hemi atan hian hmalak a nih hmain Mizoram Assembly inthlanpui neih a nih zui avangin hmalak zui hleih theih a ni lo a.

MNF kaihhruai Mizoram Sorkar thar chuan kumin January ni 8 khan Interim sorkar chu thla ruk dang atan a pawtsei leh a, hemi behchhan hian Singlung Hills Council Member 14 ruatna chu January ni 18 khan tihchhuah a ni a. Heng mite hi vawiin khan rinawmna thutiam tira lakluh an ni.