Sinlung Hills Council ah hian bial 12 a awm a, chungte chu Khawlian, Phuaibuang, Suangpuilawn, Vanbawng, Ratu, New Vervek, Sakawrdai South, Sakawrdai North, Zohmun, |inghmun, Saipum leh Saiphai te a ni a, MNF leh HPC \angdun chuan bial 12 ah hian chuh kim vekin MNF in bial 7 leh HPC in bial 5 ah candidate an dah a ni.
Congress party pawhin Saipum bial tih loh bial dang zawng 11 ah candidate an dah kim vek a, Saipum bialah hian independent candidate an thlawp dawn a ni.
ZPM chuan he inthlanna neih turah hian candidate neih leh neih loh chungchang chu a bial chhunga an party mi te thuneihnaah an dah a, ZPM hminga nomination file an awm lo nia hriat a ni a, hetiang bawk hian MPC pawhin bial chhunga an mite kutah dahin nomination file an awm lo a, PRISM Party chuan HPC ten candidate siam lo tura party te an ngenna zawmin candidate dah an tum loh thu an lo puang chiang tawh bawk a, hetiang hi thil awmdan a nih avangin Sinlung Hills Council inthlan hmasa ber chu MNF leh HPC \angdun leh Congress party inbeihna a ni ber dawn a, independent candidate engemawzat an awm bawk a ni.
State Election Commission in ruahmanna a siam angin Candidate te nomination paper hi naktukah endik a ni ang a, inhnukdawk leh duhte tan kar leh Thawh\anni thleng hun hawn a ni ang. November ni 5-a inthlanna neih tur hi ballot paper hmanga neih tur a ni a, bial hrang hrang 12 ah te hian vote nei mi 20914 an awm a ni. Nikum April ni 2-a HPCD te leh Mizoram sorkar inremna angin Sinlung Hills Development Council chu Sinlung Hills Council-ah hlankai a ni.
