State Election Commission a\anga Zonet thudawn danin, Sinlung Hills Council inthlanna Duty tur Polling Party-te chuan nimin tlai dar 3 khan Aizawl Treasury Square-a Bawrhsap Pisa pui tual a\angin an Duty-na tur hmun hi an pan hlawm a, heng mite hian vawiin khan an Duty-na tur hmun an thleng fel hlawm a ni. Bial 12-a Sinlung Hills Council inthlanna neih tura Campaign theih hun chu nimin tlai dar 4 khan a tawp tawh a, he inthlanna neih turah hian Political party hrang hrang leh Independent Candidate-te chu tlin tumin campaign theih hun tawp nimin thleng khan ngawrh takin an Campaign-a ni.
Zawhna chhangin State Election Commission hotute chuan, Sinlung Hills Council inthlan turah hian a hranpain Critical Polling Station siam bik a awm lo tih an sawi a, hetihrual hian Sinlung Hills Council huam chhung chu HPC-D Demand Area a nih avang leh tun hmaa rambuai \hin a nih avangin Polling Station zawng zawng chu ven uluk ngai bika puan vek a nih thu leh venhim hna thawktute pawh khaw hrang hrangah engemawzat tirh luh an nih thu an sawi.
Sinlung Hills Council inthlanna hi naktuk zing dar 7 a\anga neih \an tur a ni a, tlai dar 4 thleng vote thlak theih hun hawn a ni ang. Bial 12-a mipuiten ballot paper hmanga vote an thlak chu bial \hut hmunah \heuh chhiar nghal a ni dawn a ni. Sakawrdai awmchilh mektu, Zonet Correspondent chuan boruak duhawm lo thleng a awm lo tih a sawi a, tluang taka inthlanna neih theih a rinawm tih a sawi.
