SIPMIU-in bawlhhlawh tawih thei leh tawih thei lo paihna motor 54 pali AMC hnenah hlan

0
617
views

State Investment Programme Management And Implementing Unit (SIPMIU)-in Aizawla bawlhhlawh \awih theih leh \awih thei lo paihna motor 54 a lei chu Aizawl Municipal Corporation hnenah UD&PA Minister, Pu Zodintluanga’n vawiin khan a hlan. Hemi puala inkhawm, Khatlaa New Secretariat Complex-a neihah Pu Zodintluanga chuan, Aizawl khawpuiah tui thianghlim in tur, mipuiten hniang hnar zawka an dawn theih nan te, zun leh ek thli te fel zawka a luan theih nan leh bawlhhlawh pawh fel zawka lak khawma sawngbawla tihriralna turte chu UD&PA-in a buaipui mek niin a sawi. Pu Zodintluanga chuan, chhung tinin bawlhlawh \awih thei leh \awih thei lo an thliar hran theih nan bawlhhlawh bawm 1,63,004 sem a nih thu a sawi bawk. Aizawl Mayor, Pu PC Lalhmingthanga pawhin Aizawl bawlhhlawh paihna atan AMC-in kum khat chhungin cheng nuai 400 chuang a seng \hin niin a sawi a, mi \henkhat, khawlaia ran tlattir an la awm chu \ha lo a tih thu sawiin sim se a duh thu leh, thianghlimna kawngah mipuiten \an l^k a \ul thu a sawi bawk.

Bawlhhlawh phur motor hi TATA 407 sawmnga leh TATA Xenon pali a ni a, TATA 407 hian bawlhhlawh Cubic meter 8 a phur thei dawn a, TATA Xenon hian cubic meter 3 a phur thei dawn a ni. Heng motor-te hi AMC hian December ni 1 a\angin a tlan \antir dawn a ni.