Social Welfare Minister Dr K Beichhua-a’n khawtlang nun nghet leh tlo Mizoramin a mamawh a, sorkarin ruihhlo do kawngah nasa taka \anlak a tum tih a sawi.

0
249
views

Social Welfare Department hnuaia Mizoram Social Defence & Rehabilitation Board bultuma ruihhlo ngai enkawltu thlanchuah mi 29 te, Chennai TTK Hospital a tun hnaia training zo ten vawiina Aizawl-a report an pek inkhawmah he thu hi a sawi a, Dr K Beichhua chuan, hnam dangin rampawn a\angin ruihhlo chi hrang hrang hmangin Mizo te an run mek a, hei hi huat nachang hriat a ngai ta hle a, ruihhlo dolet kawngah mitinin mawh an phur a ni a ni a ti. Dr K Beichhua chuan, Social Welfare leh Excise Department te hmangin ruihhlo a rem theih nan theihtawpin sorkarin hma a la dawn tih a sawi a, ruihhlo do na kawnga hmalakna tur Budget a dah turin ruahmanna siam a ni a ti a, hei hi Chief Minister pawhin a ngai pawimawh a ni a ti.

Social Welfare Department hnuaia Mizoram Social Defence & Rehabilitation Board bultumin ruihhlo ngai enkawlna hrang hrang a thawktu thlanchhauh mi 29 te hian Chennai a TTK Hospital-ah kumin January ni 31 a\ang khan training an nei a, an cham chhung hian ruihhlo ngai an enkawl dan te, an hmunhma vawn dan te leh thil pawimawh hrang hrang te an zir a ni. Inkhawm hi Social Welfare Joint Director Pi Vanlalpianpuii’n a kaihruai a, training a kal te atangin report ngaithlak a ni bawk.